لێره‌ی بێشوێندا ده‌بوو من ماڵێک له‌ وێنه‌ی زێی بادینان بۆ "ئێوان" چێبکه‌م ... گفتوگۆ لەگەڵ هەندرێن

About this book

گفتوگۆیەکی درێژە لە ٢٠٠٩ ئەرسەلام مەحموود لەگەڵ هەندرێن سازی داوە و، ساڵی ٢٠١٣ بڵاو کراوەتەوە. ئەرسەلان مەحموود لەم بارەیەوە دەنووسێت: هه‌ندرێن بوونێکی بێده‌نگکراو،‌ ئۆقره‌ نه‌گر و نادیاریی ناو، هه‌ڵاتن له‌ ماڵ، بوون به‌ پێشمه‌رگه‌، په‌راگه‌نده‌ بوون له‌ هه‌نده‌ران و ... تاد، زاده‌ی ئه‌و نامۆبوونه‌ی منداڵییه‌تی هه‌ندرێنن. ئه‌و تا ئێستاش نازانێ‌ ئه‌و نامۆبوونه‌ی له هاوپۆڵ، ماڵه‌وه‌و دانیشتوانی گونده‌که‌ی، له‌وانیتر بۆ نیگه‌رانهێنه‌رتره‌.. له‌وه‌ ده‌چێ به‌‌ تێشکێکی بزواوی ئه‌م كۆ پرس وه‌ڵامانه‌‌وه‌، ‌ئه‌و نادیارییه‌ی ناو و شوێنگه‌ی هه‌ندرێن به‌دیار بكه‌ون، هه‌رچۆنێک بێت، له‌ به‌ش به‌ به‌شی ئه‌م ئاخاوتنه‌دا ئاکام و ڕه‌هه‌ندگه‌لێك ده‌ربکه‌ون، به‌رله‌وه‌ش بچینه‌ ناو گفتوگۆ، ده‌مه‌وێ‌ ئه‌وه‌ بڵێم ئه‌م ئاخاتنه‌ له‌سه‌ره‌تادا بۆ ئه‌وه‌ بوو دواجار له‌شێوه‌ی چاپكراوێكی تایبه‌تدا بڵاوبكرێته‌وه‌، وه‌لێ‌ له‌به‌ر وه‌خۆگرتنی ئه‌ركی چاپكردنی دوا دیوانه‌ شیعریه‌كه‌ی ( ته‌وته‌م .....) ئه‌و كاره‌ پێده‌چێت مه‌وداكانی زیاتر خۆی لێبكێشێته‌وه‌، هه‌روه‌ك چۆن نیوه‌ زیاتری ئه‌م گفتوگۆیه‌ له‌گۆڤاری ( زنار ) به‌شه‌ش به‌ش دابه‌زی، ‌دیاره‌ هه‌ندرێن خاوه‌ن 15 چاپكراو و ده‌یان وتار و چه‌ندین توێژینه‌وه‌ی جیایه‌ و، روناكبیرێكه‌ ئه‌وه‌ندی ده‌نوسێ‌ زیاتر ده‌خوێنێته‌وه‌...