دەرگا لە خۆم دادەخەم

About this book

ڕا و بۆچوونی ڕەخنەگران سەبارەت بە کتێبی “دەرگا لە خۆم دادەخەم” بە بۆچوونی من، ڕۆمانی “هوتێل ئەوروپا”ی فەرهاد پیرباڵ دانانی خاڵێکە لەبەردەم ڕۆمانی نووسەرانی پێشخۆی و دەستپێکی شێوازێکی ترە، زیادەڕەوی ناکەم ئەگەر بڵێم بەختیار عەزیز وەک تەکنیک ئەو ڕۆمانەشی تێپەڕاندووە، بۆیە فەرهادم بە نمونە هێنایەوە، کەم نووسەری کورد هەیە، هێندەی فەرهاد گرنگی بە تەکنیک بدات. ئارام حاجی ، شاعیر و ڕۆژنامەنووسی ئەدەبیی ئەم ڕۆمانە هەزاران ساڵی مێژووی کوردی لە دووتوێی کتێبێکدا خستووەتەڕوو، ئەوەی ئەم ڕۆمانە نەخوێنێتەوە،نازانێت کورد بۆ ون بووە. فائیزە فوئاد، ئەنجوومەنی بالای زەردەشتیانی کورد، پەورڤاتان نووسەری ئەم ڕۆمانە هەوڵیداوە ڕووداوەکانی لە ڕووداوی هیچ ڕۆمانێکی دیکە نەچن، تەنانەت لە ڕووی کاراکتەرسازییەوە، بۆن و ڕەنگ و دەنگیان جیاواز بێت لەو ڕۆمانانەی پێشتر نووسراون. کەناڵی knn، بڕگەی کتێبنما زمان لەم ڕۆمانەدا لە نێوان شیعرێتی و گێڕانەوەی سەردیدا یاری دەکات، وشەکارییەکی ئێجگار دەوڵەمەندە،ڕاستییەکەی هێندە هەوڵی داوە یاری بە وشە بکات، لە هەندێک شوێندا پێم وایە زێدەڕەوییە. کوردۆ شابان، ڕخنەگری ئەدەبی هۆشیاریی نووسەری ئەم ڕۆمانە، هۆشیارییەکە واقیعی ڕۆمانەکەی لەسەر بونیادناوە،نەک واقیع هۆشیاریی نوسەری بونیاد نابێت.