گۆڕستانی سەگەکان

لەبارەی ئەم کتێبە

ڕۆمانەکە بەیانکردنی کۆمەڵێک دیاردەی کۆمەڵایەتییە، بەڵام دیاردەکان لە ڕۆمانەکەدا گۆڕانی بەسەرداهاتووە. دەتوانین بڵێین ئەم گۆڕانکارییانە بۆ سەردەمێکە کە تێگەیشتنمان بۆ ژیان تۆختر بووەتەوە. ڕۆمانەکە هەڵگری تێمای جیاوازە. لێدان لە نەریتە باوەکان لایەنێکی گرنگی دەقەکەیە، بەڵام چونکە لە فۆڕمی ڕۆماندایە لە هەمان کاتدا دژەکەشی لەخۆیدا هەڵگرتووە. ڕۆمانەکە لە زۆر شوێندا لەگەڵ لۆژیک ناتەبایە، بەڵام دژایەتییەکی ڕقهەڵگرتووی نییە، ئەگەرچی شەڕیش دەکات! ئەمانە وا دەکەن ڕۆمانەکە ڕێ بۆ خوێندنەوەی جیاواز بکاتەوە، کە ڕەنگە خوێندنەوەی دژ بە یەکیش ببینین.