کرۆکی ئیمان

لەبارەی ئەم کتێبە

گەر عەقیدە سەلامەت بوو، دین و ژین، حەیا و حورمەت سەلامەت دەبێ‌، بێگومان عەقیدەی تەوحید كاكڵەی ئیسلامەتی و بناغەی دیندارییە، چوونكە عەقیدەی نقصان موسڵمانی نقصانی لێ دەر دەچێ، سەیارە كە لە ڕێگە ترازا، كارەساتی لێ دەكەوێتەوە، هەموو دەزانن ئیمان گرنگترینە، بەڵام چ ئیمانێك، چۆن ئیمانێك؟ خەڵكێك دەبینی زۆر دڵسۆزە، بەڵام عەقیدەی وێرانە، بۆیە سەرگەردانە! پێشینانی ئێمە بە چی چاك بوون، ئێمەش بەوە چاك دەبین، كە عەقیدەی (سەلەفی صالحە)، ئەم كتێبە چەند وانەیەكی ئیمانیی ڕەمەزانی (2023)یە لە مزگەوتی كارێزەوشكی سلێمانی وتوومانەتەوە و تۆمار كراوە، بە باشم زانی لەبەر ڕۆشنایی قورئان و سوننەتدا لە دووتوێی ئەم كتێبەدا بیخەمە بەر دیدەی بەڕێزتان. چوونكه تەوحید و یەكخواناسی ڕێگەی نەجاتە بەڕاسی، خوایە لەسەر یەكخواناسی تەوحید و ئیمان بژین و بمرین هەموومان.