ماینە شێی ستی

لەبارەی ئەم کتێبە

"ماینەشێی ستی" ڕۆمانێکی "کەریم کاکە"یە. لە لایەن هەندێک هونەرمەند و بەندبێژی میللییەوە گوتراوە و، کارەساتێکی گەورە و فرەشوێن و فرەلایەن بووە. کەریم کاکە بە سەلیقە جوانەکەی خۆی، بە وشەی کوردەواریی ڕەسەن، بە هەستە ناسکەکەی ئەو داستانەی کردووەتە ڕۆمانێکی نایاب، پڕ لە وێنەی هونەریی جوان، پڕ لە ناوی شوێنی دێرین و شوێنەوار کە ڕەنگە زۆربەی کەسانی ناوچەکەیش ئەو شوێنانەیان لە بیر کردبێت، وەک جوگرافیازانێک هەندێک ناوچە و گوندی یەک لە دوای یەکی دەرخستووە، هەندێک نەریتی کوردەوارییانە و ڕەسەنی نیشان داوە، تا ئەوپەڕی توانایش نەفرەتی لە نەریتە ناشرینەکان و دزێوەکانکردووە. داوێنپاکی و پاکیزەیی و نیشانەشکێنی و دەستپاکی و دڵپاکی و مرۆڤدۆستیی پاڵەوانەکان ئەوەندە جوان نیشان دراون کە پڕ بە پێستی کوردەوارین. بە کورتی و بە کوردی "ماینەشێی ستی" کتێبێکە پێویستە بیخوێنینەوە. بەرهەمێکە لەو جۆرانەی کە حەز دەکەیت خۆت بتنووسیایە. ڕۆمانێکە پێویستە کەسانی تر چاوی لێ بکەن و لێی فێر ببن چۆن داستانەکانی ئەم ناوچەیە بنووسنەوە. زمانێکە هەموو کەس تێی دەگات. نووسینێکە کە دەستت پێ کرد ناتوانیت وازی لێ بهێنیت.