زستان و بەهاری ئیسلامی سیاسی

لەبارەی ئەم کتێبە

ئه‌م كتێبه‌ خوێندنه‌وه‌یه‌كه‌ بۆ مێژووی سه‌رهه‌ڵدان و گه‌شه‌ی بزاڤی ئیسلامی (=ئیسلامی سیاسی) له‌ چاره‌كی كۆتایی سه‌ده‌ی رابردووه‌وه‌، تا ده‌گاته‌ سه‌رهه‌ڵدانی راپه‌ڕینه‌كانی به‌هاری عه‌ره‌بی له‌ وڵاتانی تونس و میسر و یه‌مه‌ن و مه‌غریب و لیبیا و سووریا، كه‌ سه‌ركه‌وتنی شۆڕشی ئیسلامیی ئێران له‌ ساڵی 1979 بوو به‌ وه‌رچه‌رخانێك له‌ گه‌شه‌ی ئه‌و بزاڤانه‌ و پاشتر له‌ ئه‌فغانستان و سوودان و چیچان و توركیا و فه‌ڵه‌ستین چه‌ندین وڵاتیتر قورساییان ده‌ركه‌وت، پاشان به‌شداریی چالاكه‌نه‌یان له‌ شۆڕشه‌كانی عه‌ره‌بی و گه‌یشتنیان به‌ده‌سه‌ڵات له‌ میسر و تونس و مه‌غریب، كه‌ ئه‌وه‌ به‌به‌هاری ئه‌و بزاوته‌ وه‌سف كراوه‌، پاشان پاشه‌كشه‌ و كزبوونی به‌تایبه‌ت دووای وه‌لاخستنی ئیخوان و سه‌رۆكی ئیخوانیی میسر محه‌مه‌د مورسی و ده‌ستگیركردنی سه‌ركرده‌كانی له‌ میسر. ئه‌م دۆخه‌ كه‌م تا زۆر ره‌نگدانه‌وه‌ی له‌سه‌ر كوردستان و پێگه‌ی ئیسلامی سیاسی هه‌بووه‌، كه‌ ئیسلامی سیاسی تێیدا له‌ سه‌ره‌تای سه‌ده‌ی نوێوه‌ رووی له‌ پاشه‌كشه‌ كردوه‌ به‌شێوه‌یه‌ك به‌سێ حزبی ئیسلامییه‌وه‌ كۆی كورسییه‌كانیان له‌ په‌رله‌مانی كوردستان له‌نێوان (10-15) كورسی تێنه‌په‌ڕیوه‌ و پاش پتر له‌ سی ساڵ ئه‌زموون نه‌بوونه‌ته‌ ژماره‌یه‌كی قورس له‌ هاوكێشه‌ی سیاسیی كوردستاندا.