ئاژاوەی بێدەنگ

لەبارەی ئەم کتێبە

لە بەشێکی (ئاژاوەی بێدەنگ)دا چەق (سەنتەر) ئاوەژوو دەبێتەوە. ڕووخساری دەریا مەلەکردنت بیر ناخاتەوە، ئاخر دەریاوانەکان لەمێژە مردوون. شۆستەکان ڕێگەیەکی سەلامەتتر نین لە شەقامەکان و ماڵ لە کۆڵان ژاراویترە، ڕۆژیش لەبن پەردەیەکی ڕەشەوە، بووە بە شەو. نارین ڕۆستەم ڕوانینی ئەم کۆشیعرە بۆ یادەوەریی هەستەکانی ئەم ژیانە، هەندێک بەدکارانەیە، چونکە وەک دەنگێکی شیعری پۆستمۆدێرن، هیچ تشتێک لەم ڕاستییانەی ژیان کە ئەزموونی کردوون بەها و ڕەوایەتییان نەماوە. هەموو بەهاکان هەڵوەشاوندۆتەوە و زۆرجاریش دەخوازێت بەهای ئەم بوونە، بە هەموو دیوەکانییەوە پووچ نیشان بدات. هەندرێن