کۆمیدیای نائومێدی

عن هذا الكتاب

‏ڕۆمانی "کۆمیدیای نائومێدی" ڕۆمانێکە کە لەنێوان خەیاڵی زانستی، ڕیالیزمی ڕەخنەیی و شێوازە نوێکانی گێڕانەوەدا دروست بووە. ڕۆمانەکە لە دوو کتێب پێکهاتووە: ‏ کتێبی یەکەم: (تاوانەکان) کە بە زەمەنی منداڵی پاڵەوانەکە پەیوەندیدارە. ‏کتێبی دووەم: (گوناهەکان) کە زەمەنی نەوجەوانی دەگرێتەوە. ‏هەر دوو بەشەکە لە دەوری کەسایەتیی (جەمال)ی پاڵەوان دەسوڕێنەوە. پیاوێک کە لە دوا ڕۆژەکانی ژیانی خۆیدایە و بەهۆی نەخۆشییەوە دەزانێت زۆری لەم ژیانەدا نەماوە. ‏(جەمال)، باوەڕی بە هیچ سیستەمێکی ئاینی نییە. لە کۆتایی ژیانی خۆیدا هەوڵ دەدات بگەڕێتەوە بۆ ڕابردووی. نەک بۆ گۆڕینی چارەنووسی خۆی و نەک بۆ بەدەستهێنانی ڕزگارییەکی ئایینی، بەڵکو بۆ هەوڵدان لە پێناوی مرۆڤایەتی. ‏ ئەو دەیەوێت لە زەمەنی منداڵی و هەرزەکاریی خۆیدا، پێش بەڕوودانی تاوان و گوناهەکانی بگرێت. بەڵام هەر جارە لە هەوڵەکانیدا، شکست دەهێنێت و دەگەڕێتەوە بۆ ئێستای شکست خواردووی. ‏لێرەوە ناوەڕۆکی ڕۆمانەکە، لەگەڵ فۆرم و تەکنیکی گێڕانەوەکەی دەبێتە یەک. ڕۆمانەکە تەنها چیرۆکی پیاوێک نییە کە بۆ ڕابردوو دەگەڕێتەوە؛ بەڵکو خودی "کات"، "یادەوەری"، "بینەربوون"، "گێڕەڕەوە" و "پاڵەوان" دەکاتە کێشەی سەرەکیی دەق.