هێزی بیرکردنه‌وه

عن هذا الكتاب

ئه‌م به‌رهه‌مه‌ی به‌رده‌ستت، زاده‌ی تیۆریی و پراکتیکه. له‌ منداڵییمه‌وه هه‌تاوه‌کوو ئێستاش به به‌رده‌وامیی له زۆر شوێندا دووچاری ئه‌م کێشانه ده‌بمه‌وه، که به‌شێکی گه‌وره‌ی ناوه‌ڕۆکی ئه‌م کتێبه‌یان داگیرکردووه، ئه‌ویش بیرکردنه‌وه‌ی خراپه، بیرکردنه‌وه‌ی نێگه‌تیڤه، ڕه‌شبینییه، باوه‌ڕنه‌بوونه به خود و به گۆڕان و به ئاینده و باوه‌ڕنه‌بوونه به‌وه‌ی، که تاک خودی خۆی به‌شێکی هێزێکی گه‌وره‌ی گه‌ردوونییه، که تێیدا چالاکه نه‌ک ناچالاک نه‌ک قوربانیی. له زیاد له ده ساڵی ڕابوورد چ له ڕێگای خوێندن و خوێندنه‌وه و چ له ڕێگای کار و پراکتیکیشه‌وه به‌شێوه‌یه‌کی چڕوپڕ تێکه‌ڵ به بابه‌تی هێزی بیرکردنه‌وه بووم، تێکه‌ڵ به هێزی له‌بن نه‌هاتووی نائاگایی بووم، که ئه‌گه‌ر بێتو ئاگامه‌ندانه به‌کاریان بهێنین چ سوودێکی گه‌وره به ژیانمان ده‌گه‌یه‌نن، چ گۆڕانێکی بنچینه‌یی به ژیانماندا ده‌هێنن.