شنگال، هایێ ل من

عن هذا الكتاب

زۆرن ئەو نەهامەتییانەی بە سەر گەلی کورددا هاتوون. کارەساتی شنگال یەکێک لەو زامانەی گەلی کوردە کە پەڵەیەکی شەرمەزارییە بە ناوچاوانی بەرژەوەندخوازە زلهێزەکانی دنیا و دەسەڵاتدارانی ناوچەکەوە کە دەیانتوانی پێش لە ڕوودانی ئەم کارەساتە مرۆییە بگرن و نەیانکرد! کارەساتێکی دزێو و تا سەر ئێسقان دژ بە ئۆلی ئێزدی و کوردانی ناوچەکە! "شنگال، هایێ ل من" چیرۆکی خۆشەویستیی دوو ئازیزن لەنێوان کوڕێکی موسڵمان و کچێکی ئێزدیدا لە بازنەی ئەو شاڵاوی کوشتنوبڕینەی ئێزدییان و جینۆسایدکردنیاندا کە داعش بەسەر شنگالیدا هێنا و، دواجار بە ئاکامنەگەیشتنی ئەم خۆشەویستییە و ونبوونی ساڵحۆی خۆشەویستی کەژێ لەگەڵ ئەو هەموو ئێزدییانەی تردا کە تا ئێستایش بێسەروشوێنن و، سەرگەردانبوونی کەژێی دایک و باب و کەسوکار و برا بە چیای شنگالدا! "شنگال، هایێ ل من" پێمان دەڵێت کە ئێزدییەکان چەند ستەمدیدەن و چەند کارەسات و فرمانیان بەسەردا هاتووە، کەچی دەستبەرداری ئایین و نەتەوەی خۆیان نەبوون.