دەفتەری سوور

عن هذا الكتاب

پۆڵ ئۆستەر لە دەفتەری سووردا تیشک دەخاتە سەر پێداویستیی ڕووخاندنی سنووری نێوان ژیان و نووسین، بە کەڵکوەرگرتن لە قەراردادگەلی سەرەکیی جۆرەکانی نووسین بۆ تێگەیشتنی پرسگەلی بیرەوەری و ناسنامە. دەفتەری سوور هەڵگری سێزدە ڕووداوی ڕاستەقینەیە لە ژیانی پۆڵ ئۆستەردا، کە لە شێوەی چیرۆکدا خۆ دەنوێنن. ڕووداوگەلێک، کە مرۆڤ ناتوانێ بە ئاسانی لێکیان بداتەوە و لە هۆی قەومانیان ئاگەدار بێ. دەفتەری سوور ڕاوبۆچوونە پەسەندکراوەکانی ئێمە لەسەر ئەدەبیات بنکۆڵ دەکات و بەرەو تێگەیشتنی باشتر لە گەمە مەترسیدارەکانی نووسینمان دەبات. دەفتەری سوور دەربڕی هەستی نووسەرە لە مەڕ جوانیی مێتافیزیکییانەی ژیان و هونەرەوە. *** ''چیرۆکەکانی دەفتەر سوور، کە لە ژیانی ئۆستەر خۆیەوە یان لە ژیانی کەسانی نزیک لە خۆیەوە وەرگیراون، گەڕانن بۆ ڕێکەوتە چاوەڕواننەکراوەکان. ژمارەیەکی هەڵە دەبێتە سەرەتای ڕۆمانێکی بەناوبانگ؛ پاڵەوانێک لە ساتێکی ناشایستەدا دەردەکەوێت؛ تەڵەبازی ئۆستەر وەک نمایشێکی سیحراوی لە دەفتەری سوور نیشان دەدات.'' - ڕۆژنامەی واشنتۆن پۆست ''ئۆستەر هەندێک ڕەهەندی نوێی بۆ ئەدەبیاتی مۆدێرن زیاد کردووە - لەوەش گرنگتر تەنانەت - بۆ دیدگاکانمان بۆ هەسارەکە.'' - بۆستن گلۆب